DOLANDYRYŞ HASABYNYŇ GURALYŞY
Hormatly Prezidentimiziň baştutanlygynda ýurdumyzyň ykdysady pudaklaryna bazar gatnaşyklaryny ornaşdyrmak, bar bolan mümkinçiliklerden netijeli peýdalanmak we olary yzygiderli kämilleşdirmek boýunça zerur şertler döredilýär Bazar gatnaşyklary şertleriniň ösdürilmegi edara-kärhanalaryň maliýe-hojalyk amallaryny yzygiderli kämilleşdirmegiň hasabyna netijeliligi artdyrmaga täze mümkinçilikleri açýar. Kärhanalaryň netijeli işlemekleri, köplenç halatda, dolandyryş işleriniň dogry alnyp barlyşyna baglydyr. Ol kärhananyň özbaşdaklygyny gazanmagyny, bäsdeşlige ukyplylygyny we bazarda ornuny tutmagyny üpjün etmekde uly ýardam edýär.
